ENDAMÁL HJÁ FLEYR
Flogbóltsfelagið Fleyr hevur sum høvuðsendamál
- At miða eftir at hava eitt støðugt til hækkandi tal av íðkandi limum
- At geva børnum og ungum møguleika fyri at fáa uppfylt sínar ítrottarligu ætlanir
- At vit kunnu kalla okkum førandi ungdómsfelag í Føroyum
- At útvega og ”fasthalda” børnum og ungum, sum ynskja at spæla flogbolt á ítrottarliga høgum støði
- Fyri yngru liðini skal verða pláss til øll. Øll skulu fáa avbjóðingar, sum passa til teirra útgangsstøði
- At hava venjarakreftir, sum eru tilvitaðar um og duga at taka útgangsstøði í einstaka íðkaranum
- At menna spælarar til liðini í hægri deildunum
- At menna sosiala sjónarmiðið í samveruni millum ungdómsleikarar og ímillum ungdómsleikarar og seniorleikarar
- At menna og styðja vanliga og góða atferð/framferð millum børn og ung bæði í venjingar- og kappingarstøðum
- At tryggja at venjarar hava bæði menniskjaligar og ítrottarligar førleikar
- At tryggja optimalt samskifti við foreldur
- At geva foreldrum møguleika at vera við í teimum mongum uppgávunum í felagslívinum
